La publicazion e nas da la racuelte dai contribûts che l'autôr, par agns, al à publicât sul periodic «Sot la Nape». Contribûts che a vuelin rapresentâ un moment di riflession in plui par capî la gramatiche, il vocabolari, la individualitât, la fuarce espressive dal furlan e la sô continue evoluzion e trasformazion.
Il volumut al vûl jessi ancje un contribût cuintri il discjadiment da la nestre lenghe, dal so lessic e da lis sôs struturis, par no dismenteâ chei caratars che le rindin uniche tal cjamp da lis lenghis neolatinis.
In cheste pagjine si pues discjamâ Rispietìn la marilenghe in formât pdf (dal download) o viodi la schede par comprâ il libri su cjarte (dal link).