La Biblioteche de Filologjiche e à un Fonts di Tesis di Lauree e di Dotorât che al à plui di 400 tesis.
Lis tesis a vegnin depositadis volontariamentri te sede de Societât (si à ancje di dâ la autorizazion a depositâlis e a publicizâlis).
I temis des ricercjis a son une vore: la plui part dai lavôrs a son su argoments di caratar locâl che a àn ce fâ cu la storie, cu lis usancis e cu lis tradizions dal Friûl, ma a son ancje studis su la lenghe furlane, su la leteradure e su diviers aspiets de art de nestre regjon. Par prionte, si conservin ancje tesis di caratar economic, sociâl e sientific. Par lâ indenant a promovi i studis ta chescj setôrs, la Societât Filologjiche Furlane e da i siei Premis par Tesis di Lauree e di Dotorât.
Ta chest fonts a son ancje lis tesis che a àn cjapât il premi “Del Bianco” dal Comun di Udin.
Lis tesis a son catalogadis intal catalic in linie de Biblioteche ae direzion: www.filologicafriulana.it/opac.