Il progjet Video memorie del Friuli al à par obietîf di restaurâ e valorizâ lis Ricercjis etnografichis Ciceri Pellis, un dai fonts video di argoment etnografic plui antîcs in Europe, realizât tra il 1972 e il 1975 di Olivia Averso Pellis e Andreina Nicoloso Ciceri.
Lis ativitâts dal progjet a son stadis:
- digjitalizazion, restaur, studi e catalogazion dal fonts;
- valorizazion e restituzion dal fonts cun sîs incuintris di proiezion tai paîs che a son stâts ogjet di studi dai documentaris.
I incuintris si son tignûts a:
- Lucinîs (ai 11 di Mai dal 2022)
- San Pieri dal Nadison (ai 12 di Jugn dal 2022)
- Nert (ai 8 di Lui dal 2022)
- Çurçuvint (ai 8 di Setembar dal 2022)
- Budoie (ai 15 di Setembar dal 2022)
- Udin (ai 14 di Otubar dal 2022)
A àn partecipât e colaborât al progjet:
-
Associazion Lis Aganis - Ecomuseu regjonâl des Dolomitis Furlanis
- Associazion Palazzo del Cinema - Hiša filma
- Circul Culturâl La Dalbide
- Comun di Budoie
- Comun di Nert
- Comun di Udin - Museu Etnografic dal Friûl
- Comunitât di montagne de Cjargne
- Fondazion Museu Cjargnel des arts popolârs “Luigi e Michele Gortani”
- Istitût pe Culture Slovene - Inštitut za Slovensko Kulturo
- Universitât dai Studis dal Friûl - La Camera Ottica
- Union des Associazions di Lucinîs
Il video di presentazion dal progjet, che al met adun parts dai filmâts origjinâi e un struc dai incuintris, si pues viodilu tal barcon in cheste pagjine, fracant su la freçute "play".
Fracant il link in bande, si cjatin lis schedis di catalogazion dai rîts singui, realizadis daûr dal standard dal Istitût Centrâl pal Catalic e la Documentazion - Bens Demoetnoantropologjics Imateriâi - cui filmâts des tradizions, ducj digjitalizâts e che si puedin viodi diretementri in linie.
I videos dai incuintris a saran metûts a disposizion a la fin dal progjet secont lis modalitâts che a vignaran comunicadis.