Vocabolari monolengâl furlan (furlan te presentazion de peraule, tes definizions, te fraseologjie) che al à l’obietîf di prudelâ l’ûs de marilenghe te scriture ma ancje chel di rinfuarcî il so status sociolenghistic.
Il Vocabolari furlan al nas prime di dut par dâi une prime rispueste ae domande di informazion su cemût che si scrîf par furlan, cu la ambizion di rivâ, un doman, a sodisfâ lis esigjencis comunicativis de realtât furlane in dute la sô complessitât.
I prins destinataris dal Vocabolari a son chei che a lavorin cu la lenghe furlane, ma ancje chei che a vuelin tacâ a scrivi in marilenghe.
In cheste pagjine si pues discjamâ il Vocabolari furlan in formât pdf (dal download) o viodi la schede par comprâ il libri su cjarte (dal link).