GNOVE EDIZION DAL CORS PRATIC DI LENGHE E CULTURE FURLANE IN LINIE NIVEL INTERMEDI - 2
La Societât Filologjiche Furlane, cu la poie de ARLeF - Agjenzie Regjonâl pe Lenghe Furlane, e invie lunis ai 28 di Avrîl la cuinte edizion dal Cors pratic di lenghe e culture furlane 2 in linie - nivel intermedi, fondât sui contignûts dal secont volum de golaine “Lenghe e culture” di M.C. Visintin e G. Zanello, dedicât a la formazion linguistiche dai adults (argoment di culture: Storie de lenghe e de leterature furlane), cul coordenament sientific di Ada Bier.
Il cors al è risiervât a cui che al à za frecuentât un Cors pratic di lenghe e culture furlane in linie 1 LC1 di nivel base.
I Cors pratics di lenghe e culture furlane in linie a sono gratuits, a son struturâts su 4 nivei (principiants - base - intermedi - avanzât) che si disvilupin vie par dut l'an solâr, e ognidun al è propedeutic a chel sucessîf. Ogni cors si davuelç in 10 setemanis di ativitâts in modalitât asincrone, su plateforme Moodle (https://corspratics.filologicafriulana.it/), li che a son proponûts:
• videos di introduzion al argoment de lezion;
• videos di spiegazion des regulis di gramatiche;
• esercitazions di comprension dai tescj e de gramatiche;
• test finâl par podê passâ ae ativitât sucessive;
• incuintris sincronis su plateforme Zoom, sù par jù di une ore ognidun, par stazâ lis capacitâts cul detât e la leture.
I materiâi didatics a son metûts su Moodle ogni setemane e a restin a disposizion in mût continuatîf, par che i partecipants a puedin davuelzi lis ativitâts dal cors in autonomie e tai oraris miôr. L'atestât di partecipazion si discjame a la fin dal percors formatîf e al è titul culturâl par jentrâ te Liste regjonâl di insegnants cun competencis di lenghe furlane.
Iscrizions dentri di joibe ai 24 di Avrîl dal 2025 – o al completament dai 90 puescj a disposizion – ta chest leam:
https://forms.gle/xAtmiWJpgwsEQbSo8
***
Il Cors pratic di Lenghe e Culture Furlane 1 in linie - nivel base - al sarà viert e a disposizion su la plateforme fin ai 30 di Avrîl dal 2025.
***
I doi Cors di lenghe furlane L0 in linie cun lenghe veicolâr inglês e spagnûl a son sierâts. La prossime edizion e je in program in Autun 2025. I utents che a vuelin jessi notâts inte liste di spiete, che a mandin par plasê une email a formazione@filologicafriulana.it
Referent:
Elena De Sanctis
tel. 0432 501598, int. 3
formazione@filologicafriulana.it