Cultura in rete

Par un patrimoni digjitâl inclusîf

Slargjâ la cognossince dal patrimoni culturâl furlan digjitalizant e metint su la rêt monografiis e periodics locâi di particolâr interès culturâl sul teritori, la storie, l'ambient, la art e la lenghe furlane. Al è chest l'obietîf dal progjet Cultura in rete. Per un patrimonio digitale inclusivo promovût di bande de Societât Filologjiche Furlane.

Il fin al è chel di permeti la consultazion in rêt di chest patrimoni e sigurâ di conservâlu miôr e in maniere plui sigure, ma ancje di judâ la ricercje di documents e fonts e disvilupâ percors di cognossince e  fruizion des fonts pe valorizazion de culture furlane.

A àn partecipât al progjet:

  • Societât Furlane di Archeologjie
  • Associazion Culturâl Bisiache
  • Centri pe conservazion e la calorizazion des tradizions popolârs - Borc San Roc
  • Associazion "Gli Stelliniani"
  • Union Grops Folcloristics dal Friûl Vignesie Julie
  • Union des Associazions di Lucinîs 
  • Academie San Marc di Pordenon

 Cu la colaborazion di:

  • Deputazion di Storie Patrie pal Friûl
  • Union Societâts Corâls dal Friûl Vignesie Julie
  • Istitût di Storie sociâl e religjose di Gurize
  • Academie des Siencis, Letaris e Arts di Udin
  • Istitût Pio Paschini pe storie de Glesie in Friûl 

Il progjet al è finanziât de Regjon autonome Friûl Vignesie Julie cun risorsis statâls dal Ministeri dal lavôr e des Politichis sociâls (Avîs public pal finanziament di iniziativis e progjets di rilevance regjonâl in atuazion dal Acuardi Stât-Regjon Friûl Vignesie Julie ai sens dal art. 72 dal Codiç dal Tierç Setôr (D.Lgs. 117/2017) – Fonts 2019).

 

Iscriviti ae Newsletter

Ti informarìn sui events. Tu ricevarâs lis gnovis de Societât Filologjiche Furlane. Tu podarâs prenotâ lis nestris publicazions.
Iscriviti