Cu la presentazion de declarazion dai redits des personis fisichis che e vignarà fate chest an, pai redits 2015, al sarà pussibil sostignî la Societât Filologjiche Furlane in dôs manieris.
Come za fat intai agns passâts si podarà destinâ aes associazions di promozion sociâl e ai ents di ricercje il 5 par mil des propriis impuestis sui redits..
Gnove di chest an, al sarà pussibil destinâ une altre cuote des propriis impuestis destinade a sostignî l'ativitât des istituzions culturâls, pâr al 2 par mil.
Lis sieltis di destinâ il 5 par mil e il 2 par mil des propriis impuestis no son in nissun mût alternativis fra di lôr e par chest a puedin jessi palesadis dutis dôs.
Ogni contribuent amì e soci de Filologjiche al pues duncje sielzi di destinâ tant il 5 par mil che il 2 par mil ae Societât Filologjiche Furlane.
Us visìn che fâ cheste sielte nol significhe paiâ plui impuestis, ma al indiche al Stât che la part dal 2 e dal 5 par mil dal propri redit, che altrimentri e larès intes cassis dal Stât, e sedi assegnade ae Societât Filologjiche Furlane.
Cemût fâ par destinâ il 5 par mil ae Societât Filologjiche Furlane?
Al baste firmâ il ricuadri a pueste presint intal model di declarazion doprât (Model 730-1 redits 2015, Model Unic Personis Fisichis Mini 2016 periodi di impueste 2015, Model Unic Personis fisichis 2016 periodi di impueste 2015, CUD 2016), schede pe sielte de destinazion dal 5 par mil dal IRPEF, tal detai intal ricuadri intitulât “Sostegno del volontariato e delle altre organizzazioni non lucrative di utilità sociale, delle associazioni di promozione sociale e delle associazioni riconosciute che operano nei settori di cui all’art. 10, c. 1, lett a), del D.Lgs. n. 460 del 1997” e indicâ intal stes ricuadri il codiç fiscâl de Societât Filologjiche Furlane ch’al è 800 105 103 05.
Cemût fâ par destinâ il 2 par mil ae Societât Filologjiche Furlane?
Al baste firmâ il ricuadri a pueste presint intal model di declarazion doprât (Model 730-1 redits 2015, Model Unic Personis Fisichis Mini 2016 periodi di impueste 2015, Model Unic Personis fisichis 2016 periodi di impueste 2015, CUD 2016 schede pe sielte de destinazion dal 2 par mil dal IRPEF, tal detai intal ricuadri intitolât “Associazioni culturali” e indicâ intal stes ricuadri il codiç fiscâl de Societât Filologjiche Furlane ch’al è 800 105 103 05.
Si domande duncje ai socis di fâ cognossi cheste pussibilitât di sostignî la Societât Filologjiche Furlane ancje a chei di famee, amîs e cognossints. Al è un mût concret di judâ, cence pês, une istituzion culturâl che al è cuasi un secul che si ocupe de tutele e de valorizazion de lenghe e de culture furlane.
2 e 5 par mil ae Filologjiche: no Us coste nuie, ma nus jude!