Doi puescj in Filologjiche pai zovins volontaris dal servizi civîl solidâl
Lis domandis a àn di rivâ dentri dai 26 di Mai dal 2010
Al è dât fûr l’avîs pe selezion di 79 volontaris di inviâ tal 2010 al servizi civîl solidâl te Regjon Friûl Vignesie Julie. Dentri de graduatorie fate buine de Regjon, al è ancje il progjet Conosci la Filologica - Ama la tua cultura, promovût de Societât Filologjiche Furlane, che e met a disposizion 2 puescj.
L’obietîf dal progjet al è chel di introdusi i volontaris ae lenghe e ae culture furlanis, tant che clâf di cognossince dal nestri teritori; i volontaris a saran formâts ancje rivuart compits di caratar aministratîf/gjestionâl e di caratar bibliotecari.
Il servizi, che si tignarà vie pal istât, al durarà 240 oris e ai volontaris ur spietarà un assegn mensîl misurât in maniere proporzionâl a chel pal servizi civîl nazionâl. A puedin partecipâ ae selezion i citadins talians residents te Regjon Friûl Vignesie Julie, cence distinzion di ses che, te date di presentazion de domande, a vedin 16 agns finîts e no plui di 18.
Par partecipâ aes selezions pal servizi civîl solidâl in Filologjiche, la domande e varà di rivâ ae Societât Filologjiche Furlane vie Manin, 18 – 33100 Udin dentri des 14.00 dai 26 di Mai dal 2010. L'avîs di concors par intîr, lis indicazions pe presentazin de domande e i modei di jemplâ, si puedin cjatâ sul sît Interent de Regjon ae direzion www.fvgsolidale.regione.fvg.it.
Avîs Servizi Civîl Solidâl 2010 - Regjon FVG Schede dal progjet Conosci la Filologica
Societât Filologjiche Furlane "Graziadio Isaia Ascoli"
Vie Manin, 18 - 33100 Udin
tel. 0432 501598, fax 0432 511766
info@filologicafriulana.it