La Associazion "Gli Stelliniani", in colaborazion cul Liceu classic statâl "J. Stellini" di Udin e cu la Societât Filologjiche Furlane, e inmanee la cuinte edizion dal Concors di Traduzion dal grêc e dal latin in furlan.
Il concors, viert a ducj i arlêfs dai liceus dal Friûl, al previôt dôs sezions, riservadis pe traduzion dal grêc ai arlêfs dal gjinasi e a chei dal liceu e pe traduzion dal latin ai arlêfs dai prins doi agns e a chei dai ultins trê.
Il tiermin di presentazion dai lavôrs al è il 30 di Avîl dal 2007. Si varà di mandâ i lavôrs a cheste direzion: Liceo classico "J. Stellini" - Concorso di traduzione dal greco e dal latino in friulano, piazza I Maggio n. 26 33100 Udine.
Par vê plui informazions, si pues rivolzisi al prof. Stefano Perini, tel. 0432 504577 o al prof. Gabriele Ragogna, tel. 0432 580105.
Chi sot, si pues scjariâ l'avîs di concors complet, par talian e par furlan, in version pdf.
I tescj di voltà a si cjatin li des segretariis des scuelis, opûr li de sede de Societât Filologjiche Furlane in vie Manin 18 a Udin, tel. 0432 501598, fax 0432 511766, direzion eletroniche: eventi@filologicafriulana.it