La Societât Filologjiche Furlane e il Circul Culturâl Laurinzian di Buie, cu la poie dal Comun e de Plêf di S. Laurinç di Buie e de Deputazion di Storie Patrie pal Friûl, a ricuardin bons. Gian Carlo Menis a un an de nassite al Cîl.
La Sante Messe in sô memorie e sarà vinars ai 13 di Otubar te Plêf di S. Laurinç martar a Mont di Buie aes 6 e mieze sore sere.
Ae fin de litugjie il prof. Giuseppe Bergamini al presentarà il volum Friûl al vûl dî paîs, racuelte di trente agns di scrits di bons. Menis par «Buje pore nuje!».
O sês ducj invidâts a partecipâ.