Gnûfs cors pai mestris e inziativis pe scuele furlane
an scolastic 2009/2010
Pal an scolastic 2009/10 la Societât Filologjiche Furlane e propon une schirie di iniziativis pensadis pai mestris e pal mont de scuele furlane:
cors di formazion e inzornament di lenghe e culture regjonâl pai insegnants, inte suaze dal progjet poiât dal Servizi Associazionisim e Volontariât de Regjon Friûl Vignesie Julie
LINGUA 2008. Par informazions:
Ufici Formazion de Societât Filologjiche Furlane (dot.e Elena De Sanctis, tel. 0432 501598 int. 3,
formazione@filologicafriulana.it).
CORS BASE DI LENGHE E CULTURE REGJONÂL: si lu invie a Udin, te sede de Societât in vie Manin 18. Il prin incuintri al è vinars ai 6 di novembar cun orari 16.30-19.30. Lis lezions a son di martars e di joibe fin ai 11 di dicembar. I docents a saran i prof. Pier Carlo Begotti, Gottardo Mitri e Rosalba Perini.
CORS DI LENGHISTICHE FURLANE: a Udin, sede de Societât in vie Manin 18. I incuintris a son ogni joibe dai 19 di novembar ai 17 di dicembar, cun orari 16.00-19.00. Il docent al è il dr. Franco Finco.
CORS DI LETERATURE FURLANE: si lu invie a Tumieç, te Sale multimediâl dal Comun, palaç Frisacco. La docente e je la dr.Gloria Angeli. Il prin incuintri al è joibe ai 5 di novembar, a lis 17.00, e lis lezions sucessivis a saran ai 12 di novembar, ai 19 di novembar, ai 26 di novembar e ai 4 di dicembar.
CORS DI MUSICHE FURLANE: si lu invie a Udin, te sede de Societât in vie Manin 18, e a Paluce. I docents a son il dr. Roberto Frisano e il dr. Denis Monte.
Calendari dal cors di Musiche a Udin: prin incuintri joibe ai 12 di novembar a lis 16.00, incuintris sucessîfs ai 23 di novembar a lis 17.00, ai 2 di dicembar, ai 9 di dicembar e ai 16 di dicembar a lis 16.00.
Calendari dal cors di Musiche a Paluce: prin incuintri lunis ai 9 di novembar a lis 17.30, incuintris sucessîfs ai 18 di novembar, ai 25 di novembar, ai 30 di novembar e ai 14 di dicembar.
CORS DI TRADIZION POPOLÂRS DAL FRIÛL: si lu invie a Udin, te sede de Societât in vie Manin 18, a Tumieç e Flumisel. Il docent al è il dr. Stefano Morandini.
Calendari dal cors di Tradizions popolârs di Udin: prin incuintri miercus ai 28 di otubar a lis 18.00, incuintris sucessîfs ai 9 di novembar, 25 di novembar, 30 di novembar e 14 di dicembar.
Calendari dal cors di Tradizions popolârs di Flumisel: prin incuintri joibe ai 29 di otubar a lis 17.00, incuintris sucessîfs ai 5 di novembar, 19 di novembar, 26 di novembar, 10 di dicembar. Lis lezions a saran tes Scuelis Elementârs di Flumisel.
Calendari dal cors di Tradizions popolârs di Tumieç: prin incuintri miercus ai 4 di novembar a lis 18.00, incuintris sucessîfs ai 11 di novembar, 18 di novembar, 2 di dicembar, 9 di dicembar. Lis lezions a saran te Sale multimediâl dal Comun, palaç Frisacco.
CORS DI TEATRI: nol sarà ativât.