La Societât Filologjiche Furlane

e presente

Omenuts

La Societât Filologjiche Furlane e presente i Omenuts, il prin disen animât in lenghe furlane dât fûr in DVD.

Al è stât sielzût Little People, disen animât de Mattel–Fisher Price, une vore cognossût in dut il mont. Little People, par furlan Omenuts, e je une prime assolude no dome pal public furlan, ma ancje par chel talian: la sielte editoriâl e je stade chê di cirî un disen animât che nol fos za stât realizât par talian, par no presentâ al public furlan un doplon za cognossût e duncje di mancul efiet, sedi di impat ai fruts, sedi di eficacie dal pont di viste de lenghe.

La serie di Omenuts e conte lis aventuris dai piçui protagoniscj Lole, Miute, Pieri, Bete e Tonin, cinc fruts che, cu la lôr abilitât e la lôr voie di discuvierte a frontin di volte in volte gnovis aventuris, intun mont fat su misure pai frutins.

Di fat, la serie complete di Omenuts e presente lis grandis scuviertis che i plui piçui a fasin inte vite di ogni dì, come il mont dai animâi, la amicizie, la creativitât e vie indenant.

I episodis di Omenuts a durin cinc minûts ognidun, timp che miôr si adate ae capacitât di atenzion dai plui piçui. Ogni volum al è componût di 5 episodis. Par cumò a son disponibii i volums 1 e 2, in DVD, cui titui Ogni dì une Maravee e, viodût il moment dal an, Maraveis di Nadâl. 

La edizion in lenghe furlane cu lis vôs dopleadis e mixadis e je par cure de Raja Films di Udin; la Arte Video di Palme e à curât la grafiche, l’authoring e mastering dal DVD.

I DVD si cjatin in vendite li de sede centrâl de Societât Filologjiche Furlane, vie Manin 18 a Udin, li des sedis di Gurize e Pordenon, e intes librariis dal Friûl.

Par informazions

Societât Filologjiche Furlane

Tel. 0432 501598

Fax. 0432 511766 

Email: info@filologicafriulana.it