Inte suaze di
Contea. Profumi di cultura europea, manifestazion promovude dal Comun di Gurize, la Societât Filologjiche Furlane e à il plasê di presentâ il gnûf lavôr di Roberto Zottar.
Il volum al cjape dentri i “corsîfs gastronomics” dal autôr, ospit de trasmission radiofoniche de sede RAI pal Friûl Vignesie Julie “Vita nei Campi” e al fâs un cuadri de grande varietât di profums e savôrs de enogastronomie regjonâl, cirint ancje di aprofondî lis lidrîs storics di cualchi plat locâl.
A presentaran il volum Armando Mucchino, gjornalist de sede regjonâl de RAI e curadôr de trasmission “Vita nei campi”, e Giampiero Rorato, gjornalist gastronom, diretôr de riviste “Fuoco Lento”.