O vin il plasê di invidâUs ae cerimonie di premiazion dal

IV Premi leterari Celso Macor

Auditorium di Romans, vinars ai 5 di Jugn dal 2009 aes vot e mieze di sere

La jurie e à sielt cun atenzion i vincidôrs tra i autôrs des oparis in concors ae edizion 2008 sul teme Identitât e memorie des ints dal Friûl Vignesie Julie  tes sezions narative e poesie par talian, furlan e sloven, con dôs sezions speciâls, une pal bisiac e une pal graisan.

Il Premi al è promovût dal Assessorât ae Istruzion e Politichis pai zovins dal Comun di Romans cul patrocini de Provincie di Guriza, in colaborazion cun Associazion Culturâl Bisiache, Centri Studis Biagio Marin, Kulturni Dom e Kulturni Center Loize Bratuz di Guriza, riviste Nuova Iniziativa Isontina e Societât Filologjiche Furlane e la poie de Bancje di Credit Cooperatîf di Vilès e de Casse Rurâl e Artesane di Lucinìs, Fara e Capriva.

L’acompagnament musicâl vie pe cerimonie al sarà dal duet David Gregoroni (sassofon) e Andrea Valent (armoniche).

Il professôr Leopoldo Pagnutti al leiarà cualchi toc des oparis che a àn vinçût.