Il Comun di Tarcint, la Societât Filologjiche Furlane, Ente Friuli nel Mondo, i Poetis di Risultive e i Amîs dal Friûl Us invidin a partecipâ al tradizionâl moment in memorie di Chino Ermacora e dai grancj dal Friûl
Segnà di Tarcint, Glesie di Sante Eufemie
Miercus ai 25 di Avrîl dal 2012, aes 11
A disaran messe pre Meni Zannier e pre Vigji Glovaz, cul intervent de Corâl “Cjantôrs tal non di Marie” di Caprive.A saran ricuardâts doi inovâi tai sessante agns: il prim numar de riviste “Friuli nel Mondo” e la prime des trasmissions radio pai emigrants produsudis in colaborazion cu la Rai.
Dopo de messe, si varà la deposizion di un maç di rosis devant de are romane di Aquilee, che e ricuarde il cjantôr dal Friûl. La procession e sarà vierte des frutis dal Grup folcloristic “Chino Ermacora” di Tarcint.