La Pro Loco di Fane - cul patrocini dal Comun di Fane, de Societât Filologjiche Furlane, dal Ent Friûl tal Mont e dal Comitât regjonâl UNPLI dal Friûl Vignesie Julie - e à dât fûr il bant pe VII edizion dal concors di poesie intitulât al poete e pitôr Vittorio Cadel.
Al concors a puedin partecipâ autôrs dal Friûl Vignesie Julie e i furlans tal forest.
Il teme al è libar e lis poesiis a àn di jessi ineditis, par talian e/o par furlan o te varietât furlane locâl, cu la traduzion.
Par partecipâ al è timp fin ai 31 di Mai dal 2023.
Par vê plui informazions, lei il bant che si pues discjamâ tal download in cheste pagjine.
Parsore, autoritrat di Vittorio Cadel (Museus Civics di Udin, Galarie di art moderne).