Lenghis 2018
Concors par traduzions des lenghis europeanis al furlan
La Societât Filologjiche Furlane e organize il concors "Lenghis" di traduzion des lenghis europeanis al furlan, riservât ai students des scuelis mediis superiôrs dal Friûl.
Pal concors si à di voltâ par furlan un test inglês, todesc o spagnûl.
Par ogni lenghe a son dôs sezions di partecipazion: une pai students dal bieni e une par chei dal trieni.
La Societât Filologjiche Furlane e pues decidi di publicâ lis traduzions miôr su lis sôs rivistis o tes sôs publicazions.
Al è dât fûr l'avîs pal 2018 e al è timp par partecipâ fin ai 20 di Avrîl dal 2018.
Regolament e tescj si puedin discjamâ achì sot.