Come anticipât, la Societât Filologjiche Furlane e inmanee ancje chest an i cors di formazion par insegnants.
Si comuniche il calendari des lezions e la lôr struture.
1. Sedis
- Udin, lì de Societât Filologjiche Furlane, Vie Manin, 18;
- Tolmezzo, lì de Scuele Medie “Gian Francesco da Tolmezzo”, Vie Battisti 10
- Palaçûl, Vie Roma 20
- Midun, li dal Istitût Comprensîf "Cavour", Vie del Municipio
2. Calendari
- Zenâr: Vinars 12, 19, 26
- Fevrâr: Vinars 16, 23
- Març: Vinars 2, 9, 16, 23, 30
- Avrîl: Vinars 13 e 20.
3. Orari dai incuintris
- Des 16,30 aes 19,00 par un totâl di 30 oris
4. Relatôrs
- Udin: Anna Toppano
- Tumieç: Gianni Osualdini e Manuela Quaglia
- Palaçûl: Graziano Urli
- Midun: Gottardo Mitri e Gianni Osualdini
- In ogni sede e je previodude une lezion de prof.re Maria Tore Barbina e dal president de Comission Scuele.
5. Struture e contignûts
Il cors al tratarà la grafie e la gramatiche e al sarà struturât in laboratoris didatics.
Program dal prin incuintri:
- Propueste formative - informazions sul cors – sielte des tematichis di aprofondî intai laboratoris
- Intervent su la lenghe furlane - leture di un test - analisi gramaticâl - riflessions sul lessic - esercitazions
Program dai incuintris seguitîfs:
- Intervent su la lenghe furlane (al principi o dentri des ativitâts di laboratori)
- Laboratori - presentazion di une esperience dal relatôr o dai corsiscj – riflessions - division in grups daûr dal ordin di scuele o dal argoment - progjetazion di un itinerari didatic o obietîfs o contignûts o metodis e tecnichis o timps o verifichis in itinere e finâls.