Benvignûts in lenghefurlane.org!

il cors di lenghe e culture furlanis che Us permet di imparâ la marilenghe doprant lis metodologjiis dal insegnament a distance vie internet.

Il progjet, inmaneât de Societât Filologjiche Furlane cul finanziament de ARLeF/Agjenzie regjonâl pe lenghe furlane, al permetarà a ducj i utents dal web no dome di imparâ lis fondis de gramatiche, ma ancje di cognossi diviers aspiets de culture furlane.

Il cors, che al è a gratis, al è un imprest viert che si podarà insiorâ di contignûts e miorâ cul lâ dal timp e – soredut – cul jutori dai stes arlêfs!

Jentrait tal sît www.lenghefurlane.org, jemplait il model on-line par domandâ di jessi regjistrâts e us rivarà la autorizazion par viodi lis lezions e fevelâ cul docent.

Vignît a viodi!

Bon lavôr e …che tu cressis marilenghe!