Comun di Tavagnà - Assessorât ae Culture
Societât Filolgjiche Furlane - Centri di Toponomastiche
Societât Furlane di Archeologjie
Cuinte Cunvigne di Toponomastiche Locâl
Branc, Centri Sociâl, dai 18 ai 27 di Mai dal 2007
Vinars ai 18 di Mai
aes 18.30
Scree de mostre fotografiche Branc. Imagjinis de memorie. La mostre e cjape dentri tresinte fotografiis storichis che a vegnin di bibliotechis, archivis e fameis dal puest.
Presentazion des tabelis toponomastichis che a si riferissin al centri storic di Dedeà e ae trate ciclopedonâl Branc-Felet. Par cure de dot.e Sabrina Sguazzero.
Sabide ai 19 di Mai
aes 11
Intitulazion de plaçute dongje de gleseute di Branc al storic locâl Antonio Bernardino e scree di une lapide in ricuart dai 750 agns de prime atestazion storiche dal paîs.
Daspò, si varà un moment par stâ in compagnie.
La cerimonie e je organizade dal Grup Alpins di Branc, in colaborazion cu la Parochie. In câs di brut timp, la manifestazion e sarà rimandade ae sabide che e ven.
aes 17
Cuinte Cunvigne di toponomastiche locâl
Salût des autoritâts.
Presentazion dal progjet Atlante Toponomastico del Friuli-Venezia Giulia.
aes 17.15
A tachin lis voris.
A intervegnin:
il prof. Lorenzo Massobrio (Universitât di Turin), supervisôr e responsabil sientific dal Atlant Toponomastic dal Piemont Montan;
la dot.e Gabriella Chiapusso (Universitât di Turin), che e coordene l’Atlant Toponomastic dal Piemont Montan;
la dot.e Lydia Flöss (Sorintendence dai bens libraris e archivistics de Provincie di Trent), componente de comission pal Dizionari Toponomastic Trentin;
il dot. Franco Finco e Ermanno Dentesano (Centri di Toponomastiche de Societât Filolgjiche Furlane), che a promovin e a coordenin il progjet Atlant Toponomastic dal Friûl-Vignesie Julie.
E coordene l'incuintri la dot.e Sabrina Sguazzero. Daspò, si varà un moment di dibatiment sui argoments tratâts.
Domenie ai 20 di Mai
des 10 aes 12 e des 15 aes 18
La mostre fotografiche Branc. Imagjinis de memorie e reste vierte al public.
Di lunis ai 21 di Mai a vinars ai 25 di Mai
Daûr prenotazion, si davuelzaran i laboratoris didatics pai arlêfs des scuelis elementârs e mezanis dal Comun di Tavagnà, pal restaur e la catalogazion dai reperts archeologjics gjavâts fûr di resint intal teritori comunâl.
Par cure de Societât Furlane di Archeologjie.
Lunis ai 21 di Mai
aes 18.30
Intervent de dot.e Cristina Zucconi Spinelli, L’Archivi Storic dal Comun di Tavagnà.
Martars ai 22 di Mai
aes 20.30
Ambient naturâl e paisaç agrari tal teritorio di Tavagnà.
Par cure dal dot. Roberto Pizzutti e dal dot. Simone del Fabbro. Daspò, si varà un moment di dibatit sui argoments tratâts.
Miercus ai 23 di Mai
aes 20.30
La Societât Furlane di Archeologjie e presente il progjet Langobarts.
Presentazion dal progjet Studi storic-archeologjic e valorizazion dea teritori dal Comun di Tavagnà: propuestis e ricercje, ven a stâi de convenzion jenfri il Comun di Tavagnà, i Museus Civics di Udin e la Societât Furlane di Archeologjie.
Intervent dal dot. Giovanni Filippo Rosset, La necropoli de culture paleoslave di Köttlach e toponomastiche in Friûl: cualchi considerazion.
Daspò, si varà un moment di dibatit sui argoments tratâts.
Joibe ai 24 di Mai
Intervent dal dot. Stefano Felcher, La costituzion de agregazion comunâl di Tavagnà: un cuadri de realtât locâl vie pai agns dal consens al regjim.
Daspò, si varà un moment di dibatit sui argoments tratâts.
Vinars ai 25 di Mai
aes 18.30
Il prof. Enos Costantini al presente il gnûf libri di Walter Ceschia, Dai Florio ai Bertoli su la Roie di Udin.
Sabide ai 26 di Mai
aes 18.30
Il prof. Giovanni Frau al presente
- i Ats de Seconde Cunvigne di Toponomastiche Furlane (2002) par cure di Franco Finco. A fasin part de opare doi volums: - I. La microtoponomastiche (Udin, ai 8 di Jugn dal 2002). Sest numar de golaine Cuaders di Toponomastiche Furlane; -II. Aspiets de ricercje toponimiche (Colorêt di Montalbano-Udin, ai 22-23 di Novembar dal 2002). Setim numar de golaine Cuaders di Toponomastiche Furlane.
Il dot. Federico Vicario al presente
- il Compendi di bibliografie per la toponomastiche furlane par cure di Ermanno Dentesano. Otâf numar de golaine Imprescj.
Domenie ai 27 di Mai
des 10 aes 12 e des 15 aes 18
La mostre fotografiche Branc. Immagjinis de memorie e reste vierte al public.