Inte suaze di Friuli Doc 2020, tal curtîl di Palaç Mantica, sede de Societât Filologjiche Furlane in vie Manin 18 a Udin, al sarà il conciert
Degustazion musicâl furlane: Albino Perosa e il Nûfcent
Un percors ideâl jenfri lis oparis strumentâls plui significativis dal secul passât, di Mario Montico, mestri al Conservatori "Jacopo Tomadini" e insegnant di Albino Perosa, ai contemporanis Giuseppe Russolo e Michelangelo Castellarin.
Esecuzion dal complès "Gli archi del Friuli e del Veneto" vuidât dal viulin prin Guido Freschi, insiorât dal coment dal mestri David Giovanni Leonardi, docent di Storie de musiche al Conservatori di Udin.
Il conciert al è une anteprime dal event in program inte basiliche di Aquilee ai 12 di Setembar.