La golaine dai "Struments" de Societât Filologjiche Furlane si inricjìs di un gnûf volum, Fevelâ flurît di Gianni Colledani, che al cjape dentri i intervents dal autôr vignûts fûr su la riviste «Sot la Nape» dal 2006 a vuê.
Il libri al ven presentât joibe ai 28 di Otubar aes 3 daspomisdì tal Teatri Miotto di Spilimberc, in colaborazion cu la UTE di Spilimberc.
Al presente il volum il president de Societât Filologjiche Furlane, Federico Vicario.
Al sarà presint l'autôr.
La flôr e je la part plui biele, buine o impuartant di un ogjet materiâl o ben di une condizion spirituâl. Il fevelâ flurît di Gianni Colledani al fâs riferiment propit a cheste dimension “alte” dal ûs de lenghe furlane.
Ce furlan volìno? Ce furlan vino di doprâ? Si contentìno di un furlan di seconde man?
Lis riflessions che l'autôr nus propon nus puartin a confrontâsi cuntune dimension plui elegant e rafinade dal furlan, une dimension che no si contente de prime soluzion che nus ven tal cjâf, cuant che lu fevelìn, ma che nus impegne par rindi plui biele la nestre lenghe.
[Test gjavât de Peraule indenant]