Cui 7 di Setembar dal 2020 la Societât Filologjiche Furlane e slargje i oraris pal public, simpri tal rispiet de normative in vore cuintri il Covid-19.
SEDE DI UDIN - Palaç Mantica, vie Manin 18.
La segretarie e il bookshop a son vierts al public di lunis a vinars des 9 a misdì e mieç (12.30) e des 14.30 aes 18.00. Si jentre un a la volte e dome se si à intor une mascarute; si à di tignî la juste distance di chei altris e passâsi lis mans cul disinfetant metût a disposizion di pueste. Par informazions, tel. 0432 501598 int. 1 -
info@filologicafriulana.it
La Biblioteche e je vierte al public pal servizi di prestit e restituzion dal libris par apontament (tel. 0432-501598 int. 2 -
biblioteca@filologicafriulana.it). Par vê un libri in prestit si à di prenotâlu in linie o par telefon o e-mail.
La Sale consultazion e je vierte al public di lunis a vinars des 10 a misdì e mieç (12.30) e des 14.30 aes 17.30 dome par apontament (tel. 0432-501598 int. 2 -
biblioteca@filologicafriulana.it). Si pues jentrâ un a la volte e si à di vê intor une mascarute.
A son garantîts i servizis di
reference a distance a mieç di pueste eletroniche e telefon e il servizi di riproduzion digjitâl al sarà aumentât.
Chei altris uficis a son vierts al public su apontament:
Formazion e redazion rivistis: tel. 0432 501598 int. 3 -
formazione@filologicafriulana.it
Comunicazion e events: tel. 0432 501598 int. 4 -
eventi@filologicafriulana.it
Centri di documentazion ricercje e sperimentazion didatiche pe scuele furlane (Docuscuele): tel. 0432 501598 int. 5 -
info@scuelefurlane.it
Dutis chês altris ativitâs - incuintris, cunvignis, cors - a son ancjemò sospindudis.
SEDE DI GURIZE - Cjasa Ascoli, vie Ascoli 1.
La sede e vierç cu lis stessis regulis che la normative in vore e previôt sul teme de prevenzion Covid-19, il
martars des 9 a la une (13.00) e la
joibe des 10 a misdì e mieç (12.30) e des 14.30 aes 17. Par informazions, tel. 0481 533849 -
gorizia@filologicafriulana.it.