Ai 28 di Otubar, dì di San Simon, si è davuelte a Codroip come par tradizion la cerimonie di premiazion dal Premi leterari San Simon, rivât ae edizion numar 45.
I vincidôrs a son Laurin Zuan Nardin inte sezion narative cu la opare Trê dîs e Mattia Modde inte sezion de conte a fumets cun Vuerîr di Splaze.
Il Premi San Simon, il principâl premi leterari dal Friûl, al è dât fûr ogni an dal Comun di Codroip in colaborazion cu la Societât Filologjiche Furlane, la Agjenzie Regjonâl pe Lenghe Furlane (ARLeF), l'Istitût Ladin Furlan Pre Checo Placerean e l'Ent Friûl tal Mont in memorie dal inzegnîr, furlanist e scritôr Angelo Pittana (Agnul di Spere).
Il lavôrs vincidôrs a son publicâts de Societât Filologjiche Furlane.