Il 5 par mil ae Societât Filologjiche Furlane

Ancje chest an cu la presentazion des declarazions dai redits des personis fisichis, si podarà meti in vore il dirit di destinâ il cinc par mil a pro di Associazions e Fondazions ricognossudis, là che e jentre ancje la Societât Filologjiche Furlane.

Us ricuardìn che fâ cheste sielte nol vûl dî paiâ di plui tassis, ma fâi savê al Stât che che la cuote dal cinc par mil dal propri redit, che e larès si di no a finîle tes sôs cassis, e ven invezit metude - tal nestri câs - a pro de Filologjiche.

Cemût fâ par dâ il cinc par mil ae Societât Filologjiche Furlane?
Al covente firmâ une des barconetis metudis di pueste tal model di declarazion doprât (Mod. 730/1-bis redits 2010, Unic personis fisichis 2011, Model integratîf CUD 2011), intitulât Sostegno delle organizzazioni non lucrative di utilità sociale, delle associazioni di promozione sociale e  delle associazioni riconosciute che operano nei settori di cui all'art. 10, c. 1, lett a), del D. Lgs. n. 460 del 1997 e segnâ in chel spazi  il codiç fiscâl de Societât Filologjiche Furlane che al è 800 105 103 05.

O vin agrât ai Socis che a fasaran cognossi cheste pussibilitât di judâ la Societât Filologjiche Furlane ancje ai lôr di famee e amîs. E je une maniere par dâ pardabon une man a un Ent che di plui di 90 agns al lavore strussie a pro de tutele e de valorizazion de lenghe e culture furlane.