Il 5 par mil ae Societât Filologjiche Furlane

Ancje chest an cu la presentazion des declarazions dai redits des personis fisichis, si podarà meti in vore il dirit di destinâ il cinc par mil de proprie IRE a pro di associazions ricognossudis, là che e jentre ancje la Societât Filologjiche Furlane.

Us ricuardìn che fâ cheste sielte nol vûl dî paiâ di plui tassis, ma volê dâ la porzion dal cinc par mil des propris tassis sul redit a une associazion ricognossude e, tal nestri câs, a pro de Filologjiche.

Cemût fâ par dâ il cinc par mil ae Societât Filologjiche Furlane?
Al covente firmâ une des barconetis metudis di pueste tal model di declarazion doprât (Mod. 730/1-bis redits 2008, Unic personis fisichis 2009, Model integratîf CUD 2009), intitulât Sostegno delle organizzazioni non lucrative di utilità sociale, delle associazioni di promozione sociale e  delle associazioni riconosciute che operano nei settori di cui all'art. 10, c. 1, lett a), del D. Lgs. n. 460 del 1997 e segnâ in chel spazi  il codiç fiscâl de Societât Filologjiche Furlane che al è 800 105 103 05.

Ai Socis, ur domandìn di sparniçâ la vôs in famee e ancje tra amîs e cognossints che in chest mût si pues judâ la Societât Filologjiche Furlane. E je une maniere par dâ pardabon une man, cence cjamis di sorte, a un Ent che di 90 agns al lavore strussie a pro de tutele e valorizazion de lenghe e culture furlane.

Cinc par mil ae Filologjiche: no us coste nuie, ma nus jude.