Cu la presentazion des declarazions dai redits si podarà destinâ il cinc par mil a pro de Societât Filologjiche Furlane.
Us ricuardìn che fâ cheste sielte nol vûl dî paiâ di plui tassis, ma fâi savê al Stât che la cuote dal cinc par mil dal propri redit e ven metude fûr - in chest câs - a pro de Societât Filologjiche Furlane.
Cemût fâ par dâ il cinc par mil ae Societât Filologjiche Furlane?
Al covente firmâ une des barconetis metudis di pueste tal model di declarazion doprât
(Mod. 730/2018 redits 2017, Model Unic Personis Fisichis Mini 2018, periodi di impueste 2017, Model
Unic Personis Fisichis 2018 periodi di impueste 2017, CUD 2018), schede pe sielte de
destinazion dal cinc par mil dal IRPEF pal apont chel intitulât “Sostegno del volontariato e delle
altre organizzazioni non lucrative di utilità sociale, delle associazioni di promozione sociale e delle
associazioni riconosciute che operano nei settori di cui all’art. 10, c. 1, lett a), del D.Lgs. n. 460 del 1997”
e segnâ in chel spazi il codiç fiscâl de Societât Filologjiche Furlane che al è
800 105 103 05.
Ai Socis, ur domandìn di sparniçâ la vôs in famee e ancje tra amîs e cognossints che in chest mût si pues judâ la Societât Filologjiche Furlane. E je une maniere par dâ pardabon une man, cence cjamis di sorte, a un Ent che di scuasi 90 agns al strussie a pro de tutele e valorizazion de lenghe e culture furlane.
Cinc par mil ae Filologjiche: no us coste nuie, ma nus jude!