Cemût passavial il timp un frut tai timps dal sflandôr di Aquilee? Cui cjatavial al marcjât? E ce robe ise une Pistrice?
Par scuvierzilu o leiarìn insiemit a Michele Polo la storie di Aurelianus e dai siei amîs, di mût che i fruts a puedin cognossi lis nestris lidrîs e capî la impuartance dal grant patrimoni storic e artistic che nus parten.
Inte suaze di
Fruts!, il festival de leterature pe infanzie in lenghe furlane inmaneât dal
Docuscuele, Centri di documentazion, ricercje e sperimentazion didatiche pe scuele furlane, la Societât Filologjiche e à il plasê di presentâ, spietant Sante Luzie, la ultime publicazion pai fruts cun tescj di Giovanna Zordan e dissens di Barbara Jelenkovich, in version cuadrilengâl (talian, furlan, todesc e inglês).
In program ancje il laboratori
Bati monede pai fruts di 6 agns in sù (prenotazions tel. 0432 501598 int.5,
info@scuelefurlane.it) e la scree de mostre dai dissens origjinâls de ilustradore Barbara Jelenkovich
In zonte la brochure dal festival
Fruts!, che al larà indevant fin ai 20 di Zenâr e che si pues lei ancje sul
sît internet www.scuelefurlane.it