Il Strolic Furlan de Societât Filologjiche Furlane al à simpri dât atenzion a la grafiche, afidade a pitôrs tant che Ernesto Mitri, Renzo Tubaro, Fred Pittino, Emilio Caucigh; a vuê invezit grafics e ilustradôrs a son figuris professionâls autonomis, che a somein ai disegnadôrs di graphic novel e di fumets, dispès ancje autôrs dai tescj.
La Societât Filologjiche e à volût dâur visibilitât cuntune mostre itinerant par cure di Gabriela Bucco e Dani Pagnucco, che e met adun lis oparis des ilustradoris e dai ilustradôrs che a àn colaborât ae redazion dal Strolic Furlan e dal Lunari pal 2022.
O cognossarìn duncje i artiscj Emanuele Bertossi, Alessandra Cimatoribus, Oriana Cocetta, Sara Colautti, Alessandra D’Este, Alessandro D’Osualdo, Maria Ellero, Annalisa Gasparotto, Barbara Jelenkovich, Anna Mattiuzzo, Marisa Moretti, Pietro Nicolaucich, Federica Pagnucco, Silvia Pignat, Luisa Tomasetig, Pia Valentinis.
La mostre si pues visitâle intal Palaç Venezian di Malborghet
fin ai 22 di Fevrâr tai oraris dal Museu Etnografic
ogni dì fûr che di lunis des 10.30 a misdì e mieç e des 3 aes 6 daspomisdì
Tu puedis cjalâ in cheste pagjine, fracant su la freçute, la presentazion de mostre