Intervents dal president de Fondazion Friûl dot. Giuseppe Morandini, dal president de Fondazion Aquilee amb. Antonio Zanardi Landi, dal prof. Angelo Vianello pe Universitât dal Friûl e dal prof. Flavio Pressacco, presidente de Associazion culturâl “don Gilberto Pressacco”.
Salûts dal Sindic di Udin, on. Pietro Fontanini.
Sarà presint il regjist Marco D’Agostini.
Acompagnament musicâl par cure dal côr “don Gilberto Pressacco” de Universitât dal Friûl.
Il documentari Incanto, pe regjie di Marco D’Agostini, al nas di un progjet de Associazion culturâl don Gilberto Pressacco e al è fat di Agherose, cul contribût dal Font Audiovisîf dal FVJ, Regjon Autonome Friûl Vignesie Julie, Fondazion Friûl, Fondazion Aquilee, CIRF - Centri interdipartimentâl pal svilup de lenghe e de culture dal Friûl de Universitât dal Friûl, al è patrocinât de Societât Filologjiche Furlane e al è dât fûr de Forum editrice.
Un viaç di scuvierte a traviers de ricercje storiche e des origjinâls intuizions di un dai protagoniscj de sene culturâl furlane di fin Nûfcent: don Gilberto Pressacco. Chest al è il cûr dal documentari, che al met in struc il pensîr di don Pressacco, un caleidoscopi di sugjestions, un continui zuc di rimants: dai studis tal ambit musicâl al teme de danze sacre e popolâr, fin ae interpretazion trative dai mosaics de basiliche di Aquilee. Cu la sô ricercje al à tornât a tirâ i fii pierdûts e sparniçâts dal timp, rivant a leâ la Aquilee dal I sec. d.C. cu Alessandrie d’Egjit, in che volte la vere capitâl dal Mediterani. In gracie de testemoneance di chei che àn condividût il so lavôr, chest viaç di scuvierte nus jude a interpretâ la nassite e la difusion dal Cristianism di Aquilee.