Il film
L'Atlante della Memoria, pe regjie di Dorino Minigutti, al è ispirât ae vite e ae opare dal lenghist Ugo Pellis (1882-1943) nassût a Flumisel, ch'al è stât tra i paris fondadôrs de Filologjiche e sul principi dal ’900 al à traviersât l'Italie par fâ une des plui impuartantis inchiestis dialetologjichis mondiâls, chê pal Atlant Lenghistic Talian (ALI): par documentâl al miôr il materiâl lenghistic, al à fat plui di 7.000 fotografiis e cussì al à metût sù un archivi ecezionâl ch'al conte par imagjinis la vite de Italie ‘minôr’ – massime Friûl e Sardegne – dilunc dai agns Vincj e Trente dal Nûfcent.
Une proiezion speciâl intal paîs li che il Pellis al nassè e che chest an al da acet al
XCVII Congrès de Societât Filologjiche Furlane.
Frache achì par viodi il teaser
Jentrade libare fin ch'al è puest, tal rispiet de normative in vore cuintri il Covid-19
Al è miôr notâsi li de Biblioteche comunâl di Flumisel
tel. 0431 969440, biblioteca.fiumicello@comune.fiumicellovillavicentina.ud.it
orari: lunis, martars, joibe e vinars 10.00-12.00; lunis, miercus e vinars 15.30-18.45