Societât Filologjiche Furlane

cu la poie di: 

MIUR - Ufici Scuelastic Regjonâl pal Friûl Vignesie Julie
ARLeF - Agjenzie Regjonâl pe Lenghe Furlane
Provincie di Gurize
Provincie di Pordenon
Provincie di Udin

Lenghis 2013

Avîs di concors par traduzions des lenghis europeanis in furlan

Tierce edizion

La Societât Filologjiche Furlane e inmanee la seconde edizion dal Concors di traduzion des lenghis europeanis in furlan, risiervât a ducj i arlêfs des scuelis superiôrs dal Friûl.

Si à di voltâ par furlan un test di autôr des lenghis todescje e inglese.

Par ogni lenghe a son proviodudis dôs sezions:

• una dediade ai arlêfs dal bieni;
• une dediade ai arlêfs dal trieni.

REGOLAMENT

1. Il concors al è viert a ducj i arlêfs dai Istitûts di Istruzion Medie Superiôr dal Friûl.
2. La partecipazion al concors e à di jessi personâl, e no si acetin lavôrs fats insiemit cun altre int; si pues partecipâ al concors cun plui lenghis, a condizion di rispietâ la categorie concorsuâl di apartignince (bieni iniziâl, o trieni finâl).
3. I tescj di voltâ a si cjatin li des segretariis des scuelis li des sedis de Societât Filologjiche Furlane, o sul sît internet de Societât www.filologicafriulana.it.
4. I lavôrs a varan di jessi presentâts in forme anonime, dentri di une buste cuntun sproc, che al varà di jessi tornât a dî ancje intune seconde buste sierade (e mitude dentri da la prime), cun lis informazions personâls dal concorint (date e lûc di nassite, indiriç di residence, numar di telefono, direzion di pueste eletroniche, scuele e classe frecuentade). Cui che nol rispiete chestis regulis al vignarà scualificât.
5. I lavôrs a varàn di jessi mandâts di chi al 30 di avrîl dal 2013, a cheste direzion:
   Societât Filologjiche Furlane “Graziadio Isaia Ascoli”
   Vie Manin 18, 33100 Udin.
   Su la buste al varà di jessi ripuartade cheste indicazion:
   «Lenghis 2012 – Concors di traduzion des lenghis europeanis in furlan».
6. Pe traduzion si varà di doprâ la koinè uficiâl de lenghe furlane, o ben ancje une variant locâl dal furlan, a condizion che cheste ultime e sedi declarade tal sfuei li che e je la traduzion.
7. I criteris di valutazion, dongje dea la ricjece e coretece de lenghe furlane, ma ancje la cualitât de traduzion e la sô atenzion lenghistiche e gramaticâl al test origjinâl: la traduzion in furlan no à di jessi, in pratiche, une traduzion dal talian.
8. La Jurie, componude di esperts di furlan nomenâts de Societât Filologjiche Furlane, e proclamarà i vincidôrs a sô judizi. Si proclamarà un vincidôr par ogni categorie e par ogni lenghe. La Comission salacôr e segnalarà fin a doi lavôrs par ogni categorie. I vincidôrs e i segnalâts di ogni sezion, a varan in premi bogns di libris editâts de Societât Filologjiche Furlane par un valôr di:
   ●  vincidôr 250,00 euros;
   ●  segnalât 100,00 euros.
9. I miôr tescj a podaràn jessi publicâts su pes rivistis e publicazions de Societât Filologjiche Furlane.
10. Il nominatîf dai arlêfs vincidôrs e segnalâts, insiemit cun l’indicazion dal lûc, de zornade e de ore de premiazion, al vignarà fat cognossi par cure de Societât Filologjiche Furlane diretamentri aes segretariis des scuelis, oltri che ai interessâts.
11. Par altris informazions si pues clamâ la Societât Filologjiche Furlane (telefono 0432 501598, interni 03, direzion eletroniche formazione@filologicafriulana.it).

Culì, si puedin discjariâ i tescj di voltâ:

 Traduzion dal inglês in furlan - Sezion Bieni

 Traduzion dal inglês in furlan - Sezion Trieni

 Traduzion dal todesc in furlan - Sezion Bieni

 Traduzion dal todesc in furlan - Sezion Trieni