La Rai Fvg e torne a mandâ in onde Lis predicjis dal muini: vie pal mês di Avost ogni dì, dal lunis al vinars a lis 11.05 a buinore, l'atôr Fabiano Fantini al lei une Predicje gjavade fûr dal libri di pre Josef Marchet.
Inte opare di pre Bepo, Vigji Scuete al è il muini imagjinari de ancjetant imagjinarie vile di Gargagnà Disore che, par dibisugne, si cjate tal puest dal plevan e al intraten i propris paisans cun grande scletece e cuntun lengaç che dispès al beche.
Chestis “predicjis”, al scrîf Marchet, a son stadis racueltis e publicadis tant che testemoneance di vite furlane intun moment speciâl de nestre storie – i prins agns dopo de vuere – e tant che esempli di lenghe furlane ancjemò pure e cence misturis e contaminazions.
Lis predicjis dal muini si puedin scoltâ in maniere libare ancje dal nestri sît fracant achì.