La Societât Filologjiche Furlane e à il plasê di invidâUs a partecipâ ae Messe par furlan inmaneade de Associazion Musicâl "Bertrant di Aquilee" di S. Zorç da la Richinvelde in colaborazion cu la Parochie di Sante Marie Anunziade di Udin, pal 673m aniversari de muart dal Patriarcje Bertrant.
Musichis di Olinto Contardo, corâl de Associazion direzude dal mestri Paolo Scodellaro, organiste Ambra Tubello.
A la fin de Messe: Bertrant cinc spadis, drame di Novella Cantarutti, musichis di Olinto Contardo.
Si podarà visitâ ancje il Museu dal Domo, des 10.00 aes 13.00 e de 14.00 aes 19.00.
Parsore, particolâr de piture de muart dal Patriarcje Bertrant suntune taule conservade tal Museu dal Domo di Udin.