La Societât Filologjiche Furlane e à inviât il progjet
La Lavagne plurilengâl par promovi l’insegnament CLIL in lenghe furlane tes scuelis, cu la poie finanziarie de Agjenzie Regjonâl de Lenghe Furlane - ARLeF.
Miercus ai 9 di Setembar dal 2015 al è tacât un
cors di alfabetizazion in lenghe furlane e di formazion a la metodologjie CLIL aplicât a lis lenghis minoritariis e a un contest plurilengâl. Lis ativitâts formativis a durin in totâl 21 oris (la ultime dal modul di alfabetizazion e sarà dedicade a une prove di verifiche finâl des competencis lenghistichis dai corsiscj), a son gratuitis, ricognossudis e acreditadis dal Ufici Scuelastic Regjonâl pal Friûl Vignesie Julie (daûr de circolâr ministeriâl dal DM 90/2003) e a son titul culturâl pe iscrizion a la Liste regjonâl dai insegnants cun competencis di lenghe furlane.
Lis datis des lezions dal modul di
alfabetizazion in lenghe furlane, tignût dal prof. Franco Finco, a son chês ca: miercus 9 di Setembar dal 2015, joibe 29 di Otubar, joibe 19 di Novembar, joibe 3 di Dicembar.
Lis lezions dal modul di
metodologjie CLIL a son tignudis di docents de Universitât Ca’ Foscari di Vignesie cun chest calendari:
1. joibe 17 di Setembar, prof.re Carmel Mary Coonan
Planificazion di un percors CLIL in lenghe furlane: specificitât, significâts e criteris.
2. miercus 21 di Otubar, prof. Graziano Serragiotto
Criteris, struments e tecnichis di valutazion dal modul CLIL in lenghe furlane.
3. miercus 11 di Novembar 2015, prof.re Marcella Menegale
Planificazion di un modul CLIL in lenghe furlane e didatizazion dai materiâi.
Lis lezions si tegnin a Udin te Aule Magne dal
Liceu Sientific “G. Marinelli”, Viâl Leonardo da Vinci 4, cun orari
15.30-18.30.
Par iscrivisi, jemplâ il model di iscrizion e inviâlu a la direzion
formazione@filologicafriulana.itInformazions li dal Ufici Formazion - dot. Elena De Sanctis, tel. 0432 501598, int. 3