Mittelfest al à di pôc comunicât a Milan il program 2019 e noaltris o vin plasê, tant che socis fondadôrs, di segnalâ lis gnovis propuestis dal festival che si tignarà dai 12 ai 21 di Lui a Cividât e al darà acet a 35 apontaments, in particolâr 15 spetacui musicâi, 8 teatrâi, 4 di balet, 6 forum (cun tantis primis assoludis e primis talianis).
Il teme sielt al è “Leadership”, un teme une vore presint e dibatût tai diferents setôrs de politiche ae culture, de sience aes fameis aes cuistions di gjenar, che al sarà proponût di bande di impuartantis compagniis e artiscj talians e internazionâi, in spetacui di altissim nivel che no mancjaran di cjapâ dentri, emozionâ e divertî il public.
In plui dai spetacui, si tignaran forum di aprofondiment – un dai ospits al sarà il scritôr Erri de Luca - e altris events speciâi che a animaran la citât.
Par discuvierzi il program e sielzi i spetacui, cjalait il sît internet di Mittelfest.