Comun di Romans dal Lusinç - Assessorât ae Culture
in colaborazion cun
Museu "Ricordi della Grande Guerra a San Martino del Carso"
Associazion "Društvo soška fronta" di Šempeter pri Gorici (Slo)
cul patrocini de Provincie di Guriza
la adesion dal Comun di Šempeter pri Gorici (Slo)
la poie di Friuladria - filiâl di Segrât
la colaborazion de Societât Filologjiche Furlane
e la zentil concession de Famee del Torre
Scree de mostre
"Vite in trincee"
1918-2008
90m aniversari da la fin de Prime Vuere Mondiâl
vinars ai 24 di Otubar dal 2008, aes sîs e mieze sore sere
Villa del Torre - Vie Latina, Romans dal Lusinç (GO)
cu le partecipazion dal storic Lucio Fabi
oraris de mostre:
sabide 25 e domenie 26 di Otubar des 10.00 aes 18.00
sabide 1 e domenie 2 di Novembar des 10.00 aes 18.00
sabide 8 e domenie 9 di Novembar des10.00 aes 20.00
visitis pe scuele daûr prenotazion (0481 966904)
Intal 90m aniversari da la fin dal prin conflit mondiâl che al à cjapât dentri ad implen i nestris teritoris, il Comun di Romans dal Lusinç al propon une rimembrance singolâr di chel event cul ricuardâlu no dome par lis operazions militârs e lis cruentis batais, ma ancje par la vite che si faseve ogni dì tra lis trinceis da lis primis liniis e intes retroviis, che a jerin propi tal nestri paîs. Paîs come Romans, Viarsa o Frata, che a àn viodût prime lâ vie i propis oms vistûs cu la monture austriache e dopo passâ lis trupis talianis par fissâ li i distacaments o lis sedis dai ospedai militârs dulà ricoverâ i ferîts dal front dal Cjars, o come San Pieri di Guriza localitât di prime linie, distrute cuasi dal dut da la vuere.
Testemoneancis nus rivin ancjemò cumò a mieç da lis robis di ûs comun o dai imprescj in dotazion a lis armadis talianis e austriachis o ben dopradis dai soldâts te vite di ogni dì. Chescj cimelis a deventin il spieli di un passât che al fevele sì di soldâts, ma soredut di personis, protagonistis cuintri la lôr volontât di une tragjiche e cruente vicende storiche di une bande e di chê atre dai schiriaments. A fasin part di colezions privadis e di Associazions che si ocupin da la valorizazion de testimoneancis dal prin conflit mondiâl. A son stâts cjatâts pal plui sul Cjars italo-sloven e ancje a Romans e tantcj di chescj a vegnin fats viodi al public par la prime volte.
In chest sens impuartantis e fondamentâls a risultin lis colaborazions cun dôs Associazions che si ocupin de ricercje storiche leade a la "grande vuere": a son il museu "Ricordi della Grande Guerra a San Martino del Carso" cun sede a San Martin dal Cjars e la Associazion "Društvo soška fronta" di Šempeter Pri Gorici.
Aspiet no secondari al è che, ancje in cheste ocasion di aprofondiment storic, e cjate espression la amicizie di passe vincj agns nassude dal pat di zimulament tra la comunitât di Romans dal Lusinç e chê di San Pieri di Guriza, in chest câs unidis da la storie e dal ricuart dal prin conflit mondiâl.
Di ricuardâ ancje il patrocini e la colaborazion de Provincie di Guriza. .
Prestigjiose, infin, la sede da la mostre: Villa del Torre, metude a disposizion par zentîl concession da la famee del Torre, parone dal storic edifici.
Per informazions
Comun di Romans dal Lusinç
vie La Centa, 6
34076 Romans dal Lusinç (Go)
Ufizi servizis culturai:
tel. 0481 966904
fax. 0481 909282
info@comune.romans.go.it
www.comune.romans.go.it