Nol è plui l'Invier di une volte, cun tante nêf buine di inmagâ grancj e picinins e di ispirâ i poetis.
Dai nestris archivis us proponìn poesiis, contis e fotografiis de nêf a traviers di un percors sul sît techefriulane.it.
Par jentrâ tal percors su la nêf frache achì.
Parsore, la glesie parochiâl di Tarvis intune cartuline dal principi dal Nûfcent.
Il portâl techefriulane.it al met adun un patrimoni di documentari e bibliografic fat di volums, articui, fotografiis, videos e stampis.
Cuntune grafiche moderne che si adate a ducj i supuarts (computer, tablet, smartphone), il sît al permet di consultâ in maniere une vore facile dute cheste documentazion, catalogade e digjitalizade par intîr.
Chestis 'vetrinis furlanis' a metin adun intun sôl catalic in linie dut il lavôr di valorizazion digjitâl che la Filologjiche e à puartât indevant e che nol rivuarde dome il so patrimoni, ma al è viert a istituzions culturâls e ents locâi par jessi un vêr imprest di valorizazion de culture e dal teritori dal Friûl.