Novante agns di Filologjiche

Dal 1919 pal nestri Friûl

Tal 2009 la Societât Filologjiche Furlane e ricuarde i siei prins 90 agns di vite, de fondazion tal Municipi di Gurize ai 23 di Novembar dal 1919. Si vûl celebrâ chest biel aniversari cuntune schirie di iniziativis che no sedin dome moments uficiâi, ma massime ocasions di incuintri, riflession e dibatiment rivuart la storie de Societât, la situazion linguistiche e culturâl dal Friûl e lis prospetivis de Filologjiche e de lenghe e culture furlanis in dì di vuê.

A son tantis lis iniziativis in program vie pal mês di Novembar dal 2009 a Udin, Tumieç, Gurize e Pordenon.