O visìn i nestris socis e utents che, par permeti la gnove sistemazion dai uficis e de biblioteche prin che a tachin i lavôrs di rinovament de sede di Udin cu la fin dal mês,

Palaç Mantica al restarà sierât dai 12 ai 20 di Març

Si tornarà a vierzi cun regolaritât di lunis ai 23 di Març cui oraris di simpri: lunis-vinars 9.00-12.30 e 14.30-18.00

Ancje il cors pratic di lenghe e culture furlanis al sarà sospindût miercus ai 11 e ai 18 di Març; al tornarà a tacâ ai 25.

Il gnûf ingrès, che al sarà te cort jenfri l'Ordin dai gjornaliscj e la Associazion teatrâl furlane, al sarà segnalât te miôr maniere. Si scusìn cun ducj voaltris pai discomuts che a podaran presentâsi.  

La Direzion de Societât