Plaidarts. Un lunari di vitis comedadis e je une racuelte di contis scrite di Gianluca Franco e publicade de Societât Filologjiche Furlane, che e cjape dentri dodis personaçs furlans che a àn une brute innomine. Par ognidun di lôr si à volût palesâ un aspiet mancul cognossût, un fat restât platât, un savoltament di cualchi veretât intindude, une fantasie pussibil, che e podès judâ a cognossilu miôr. Si à vût chê di presentâ un plaidart, une perorazion, une domande di boncûr come che cualsisei avocat di causis piardudis al è peât a fâ.
Il romanç al à vinçût la 37e edizion dal Premi San Simon di Codroip, tal 2016.
Ogni sabide a la une e cuarantedoi (h. 13.42) la Radio Rai FVG e mande in onde la leture di une conte, interpretade di Caterina Bernardi, Massimo Somaglino e Aida Talliente.
Buine scolte!