Premi "Chino Ermacora"
Scuele e marilenghe
Concors par progjets didatics sul Friûl
Quarte edizion, 2018
La Societât Filologjiche Furlane, la citât di Tarcint, l’Ent Friûl tal Mont e il Ducât dai vins furlans, o inmanein il Premi "Chino Ermacora" Scuele e marilenghe, bant di concors par progjets didatics destinâts aes classis dai istitûts scolastics, dai Istitûts Comprensîfs o di une rete scolastiche dal teritori furlan.
Il Concors al premie i miôr progjets didatics che si riferissin ae lenghe, ae storie, al ambient, al teritori, aes dissiplinis didatichis, ae culture e aes tradizions dal Friûl.
Il Premi al è patrocinât da la Regjon Autonome Friûl Vignesie Julie, dal Ufici Scolastic Regjonâl dal Friûl Vignesie Julie e de ARLeF - Agjenzie Regjonâl pe Lenghe Furlane.
Al è vignût fûr il bant de quarte edizion. I lavôrs a varan di rivâ dentri dai 20 di Avrîl dal 2018.
Chi sot si puedin discjamâ il bant e la schede-progjet par partecipâ.