La Societât Filologjiche Furlane e poie la XIII edizion dal Premi internazionâl di poesie "Renato Appi", une iniziative dal Comun di Cordenons e dal Grop dal Ciavedal, cu la partecipazion de Famee Appi.
Il Premi al intint promovi, ricuardâ e valorizâ la figure e la opare di Renato Appi (1923-1991), cognossidôr preseât e studiôs de culture furlane.
Il Premi, viert a ducj, al è risiervât ae poesie in lenghe furlane in dutis lis sôs variantis. Il teme al è libar, cuntun numar di componiments variabil di un a cinc, par un massim di cincuante viers ognidun.
Lis scuelis a puedin partecipâ cun lavôrs di ricercje peâts ae culture popolâr e aes tradizions dal teritori, doprant dutis lis espressions artistichis che a àn caraterizât la produzion di Renato Appi (conte, poesie, teatri, cine, fotografie, musiche). La preference e vignarà dade ai lavôrs in lenghe furlane e/o colegâts al Friûl Vignesie Julie.
Il bant par intîr si pues discjamâ dal download in cheste pagjine.