E je scomençade la prenotazion di Olmis 2008/2009, il diari scuelastic bilengâl furlan/talian editât de Societât Filologjiche Furlane e dât fûr parsore nuie tes scuelis elementârs e mezanis des provinciis di Gurize, Pordenon e Udin che lu domandin.
La iniziative, che e sarà sostignude ancje chest an de Fondazion CRUP, e ufrìs al mont de scuele un imprest idatic valevul par meti in vore lis disposizions nazionâls e regjonâls di tutele des lenghis e des culturis minoritariis.
Si invidin ducj i scuelârs e insegnants a prenotâ lis copiis dal gnûf Olmis par cognossi in marilenghe la vite, lis usancis e lis tradizions dal nestri Friûl. Lis scuelis, direzions didatichis e istitûts comprenîfs a puedin prenotâ lis copiis pai lôr arlêfs e docents dentri dai 27 di Març dal 2009. La consegne indicative dal diari si tignarà tor metât dal mês di Mai dal 2009.
Chi sot si puedin discjariâ la comunicazion aes scuelis cu lis istruzions pes prenptazions e i modui A e B di jemplâ e di mandâ vie ducj i doi ( no si cjaparan in consoderazion i modui A che a rivaran cence i modui B) al numar di fax 0432 511766 o ae direzion eletroniche info@filologicafriulana.it
Comunicazion aes scuelis - Istruzions par prenotâ il gnûf Olmis
Modul A (adesions par ogni scuele)
Modul B (riassuntîf par Istitût comprensîf/Direzion didatiche)
Par informazions:
Societât Filologjiche Furlane "G. I. Ascoli"
vie Manin, 18 - 33100 Udin
tel. 0432 501598
fax 0432 511766
info@filologicafriulana.it