E je ore di prenotâ il gnûf Olmis, il diari torzeon furlan/talian editât de Societât Filologjiche Furlane e dât fûr a gratsi tes scuelis elementârs e mezanis des provinciis di Gurize, Pordenon e Udin che lu domandin. La edizion 2010/2011 e varà par teme Il Friûl che al prodûs.
La iniziative, che e sarà sostignude ancje chest an de Fondazion CRUP, e ufrìs al mont de scuele un imprest idatic valevul par meti in vore lis disposizions nazionâls e regjonâls di tutele des lenghis e des culturis minoritariis.
Si invidin ducj i scuelârs e insegnants a prenotâ lis copiis dal gnûf Olmis par cognossi in marilenghe la vite, lis usancis e lis tradizions dal nestri Friûl. Lis scuelis, direzions didatichis e istitûts comprensîfs a puedin prenotâ lis copiis pai lôr arlêfs e docents dentri dai 16 di Avrîl dal 2010. La consegne dal diari si tignarà tor de metât dal mês di Mai.
Chi sot si puedin discjariâ la comunicazion aes scuelis cu lis istruzions pes prenotazions e i modei A e B di jemplâ e di mandâ vie ducj i doi ( no si cjaparan in considerazion i modei A che a rivaran cence i modei B) al numar di fax 0432 511766 o ae direzion eletroniche info@filologicafriulana.it
Comunicazion aes scuelis - Istruzions par prenotâ il gnûf Olmis
Modul A
Modul B
Par informazions:
Societât Filologjiche Furlane "G. I. Ascoli"
vie Manin, 18 - 33100 Udin
tel. 0432 501598
fax 0432 511766
info@filologicafriulana.it