si presentarà il

Master universitari di II nivel / Cors di inzornament

Insegnâ in lenghe furlane

promovût de Universitât dal Friûl cul sostegn de Agjenzie Regjonâl pe Lenghe Furlane (ARLeF)

Il Master/Cors di inzornament, ativât pal an academic 2007/2008, al intint furnî ai insegnants/educatôrs che a lavorin te scuele de infanzie, primarie e secondarie une schirie di cognossincis culturâls, sientifichis, linguistichis, didatichis e di competencis operativis di fonde, par doprâ la lenghe furlane in forme veicolâr tal davuelziment des ativitâts e des dissiplinis previodudis dai curricola scolastics e par disvilupâ une salde competence plurilengâl e pluriculturâl tai arlêfs.

Al Master/Cors di inzornament a puedin notâsi ducj chei che a àn un titul di lauree magjistrâl o une lauree di vecjo ordenament didatic o un diplome di scuele secondarie e che tal moment de presentazion des domandis a dimostrin di jessi o di jessi stâts formalmentri in servizi in struturis educativis.

Lis domandis a varan di rivâ dentri dai 7 di Avrîl ae Ripartizion Didatiche, Sezion Servizis ai Students e ai Laureâts, in vie Mantica 3 a Udin.

Par informazions i interessâts a puedin contatâ la Ripartizion Didatiche dal Ateneu. Il Manifest dai Studis e il model de domande si puedin discjariâ ae direzion http://www.uniud.it/didattica/post_laurea/master/secondo