Ai 3 di Dicembar nus à lassâts, a 98 agns, Olivia Averso Pellis, fotografe e cineamatore di Gurize che e à vût documentât su la pelicule moments cetant impuartants de tradizion popolâr dal Friûl Vignesie Julie za dai prins agns ’70.
Pe Societât Filologjiche Furlane e à metût adun, insiemi cun Andreina Nicoloso Ciceri, una schirie di filmâts su lis tradizions popolârs de nestre regjon, che di resint a son stâts restaurâts e digjitalizâts e si puedin tornâ a viodi sul sît de nestre Societât in cheste pagjine.
Intal barcon chi parsore, fracant su la freçute, si pues viodi une sô testemoneance dal 2022 intun filmât realizât inte suaze dal progjet "Videomemorie del Friuli".