Dilunc de serade, promovude dal Grup Alpins di Flaiban in colaborazion cul Comun, si celebraran i cent agns de Societât Filologjiche Furlane e al vignarà ricuardât, a dîs agns de muart, il scritôr Carlo Sgorlon.
Relatôrs a saran il prof. Gotart Mitri, component dal Consei diretîf de Societât Filologjiche, e la professore Fabiana Savorgnan Cergneu di Brazzà, docente ae Universitât dal Friûl e biografe dal scritôr di Cjassà.
A parteciparan i atôrs Francesca Salvi e Simone Floreani, cu la flautiste Elisabetta Castellani.
La serade e sarà coordenade dal gjornalist Flavio Vidoni.