Ancje la Societât Filologjiche Furlane e cjape part al progjet dal Servizi Civîl Universâl, la propueste pai zovins tra i 18 e 28 agns.
Il Servizi Civîl al è une oportunitât impuartante che ur ufrìs ai zovins un percors di formazion e di introduzion al lavôr e ur permet di svicinâsi al mont professionâl e di disvilupâ lis lôr competencis dentri di un ambient sigûr e ospitâl.
Il servizi al dure 12 mês par un totâl di 1145 oris, dividudis in 25 oris flessibilis su 5 dîs par setemane; ai volontaris sur spiete un rimbors di sù par jù € 507 al mês.
Cui progjets di Servizi Civîl Universâl si fasin ativitâts che a àn obietîfs di disvilup sostignibil e, in particolâr, di sostegn dai bens dal teritori e de comunitât locâl. Il progjet inviât da la Societât Filologjiche Furlane si clame ProLenghe 2024 (codiç dal progjet: PTXSU0037124011977NXTX) e al à par obietîf di lavôr la promozion e la tutele de lenghe e de culture furlanis. La sede dal servizi e je a Udin inte sede de Societât in vie Manin 18.
Si pues fâs domande dome online, su la plateforme DOL (Domanda On Line: https://domandaonline.serviziocivile.it/), che indicazions si cjatin sul sît dal Dipartiment pes Politichis Zovanîls e il Servizi Civîl Universâl: www.politichegiovanili.gov.it
Cun di plui, par aprofondiments, si pues cjalâ il sît dal Infopoint regjonâl pal Servizi Civîl: www.infoserviziocivile.it