Dopo dal bon risultât de prime edizion, une gnove Setemane de culture furlane e clamarà dentri la nestre regjon dai 7 ai 17 di Mai dal 2015. Une largje schirie di apontaments e di iniziativis culturâls che a impegnaran la Societât Filologjiche Furlane insieme cun tantis istituzions e associazions dal teritori in plui di cincuante puescj dal Friûl, lant a promovi cetancj aspiets de culture furlane, de storie al ambient, de leteradure ae lenghe, de musiche ae art, cun atenzion particolâr pai plui zovins.